قصيدة تَاللُّـوزْتْ

*

* * *

*

*

--==*==--

قصيدة تَاللُّـوزْتْ

--==*==--

أُونّيخْ أسْمَامِّي خْ تَاللُّوزْتْ --==*==-- خْكَرْ اِيكْرَانْ أرْكَا تْمَدُّوتْ

لُوحْخْ تِيطْ َلَقْبَلْتْ وُلاَ تَاكُوتْ --==*==-- أُورْتْبييْنْ خُورْتَانْ ُُولا تَاغْزُوتْ

خِيكّي وَأكَالْ نْسْ تْمُّوتْ --==*==-- مَقّارْ تَسْدُو دْوَامَانْ دْ تَانُوتْ

زْريخْ لاَطْرْنْسْ خ ْتَاكْلّويْتْ --==*==-- اِيقّامَا كَرْ اُوزُونْ نْتَالّوحْتْ

زْمَانْ تِيضَافْ نْتَانْفْلُوسْتْ --==*==-- سَرْسْنْ فَلاّسْ تَافْكُورْتْ

مَادْ الزّرينْ دْ تَانَْزَارْفُوتْ --==*==-- اِيدْبَابَنْسْ دْتْمَنْغَا دْ ْتَاقّورْتْ

تْغَامَا سْ لُوقْرْ تَاسُولْتْ --==*==-- أُورَاسْ تْحَاوْزَا تَاوْرُوتْ

أُورَادَاسْ تَاوْنْ تُوطُّوفْتْ --==*==-- وَلا تْزِري سِيسْ تْمَاضُونْتْ

كْتِيدْ أَفُولْكِينْسْ خْ تَافْسُوتْ --==*==-- أَرتسْمَرْغَا اِيخْ تَغْلِي تَافُوكْتْ

اِيفْكْ أُوجّيكْ نْسْ تُوجّوتْ --==*==-- أَرْتْسَنْفْسِي فْتَاسَا تَاغُوفْـتْ

تَرْوَاسْ كَرْ تَازْكْزُوتْ --==*==-- زُونْدْ تُوفَاوْتْ نْتَاسَافُوتْ

اِينَاوَا يَانْ يَاتْ تَافُوسْتْ --==*==-- أُوجّيكْ نْتَادَّاكْتْ تَازْرُورْتْ

ِزيكْ صْبَاحْ زُنْدْ نْقورْتْ --==*==-- سْوَامَانْ ضَرْنِينْ خْ تْمَالُوتْ

تْضَرْنْ غَاسَّادْ خْ تَاتّوتْ --==*==-- لاَحَاسْ كُولّو تَامْيُورْتْ

فُومَارْكْ نْسْ نْضَمْخْ تَايُونْتْ --==*==-- اِيقّانْدْ أَدْسَاوَلْخْ فْ تَامُورْتْ

كَمِّينْ دْ تَارْكَانْتْ تْمُونْتْ --==*==-- زْمَانْ مَا تْفْكَامْ دْ تْمُوزُونْتْ

مَا رَانْسْكَرْ مَقّارْ تَاكّوكْتْ --==*==-- تِيضَافْ نْمْ تْكَا تُوغُونْتْ

أيَا فَلاحْ اِيقّانْدْ أتْسْحَسُّوتْ --==*==-- لْحُورْمَا اِيلاّ فْلاّكْ أتْسْمُوقّولْتْ

كِّيسْ خْ وُولَنْكْ لْخُويَْنْتْ --==*==-- أدُورْ تْسَالُوتْ اِي الرّمُّويْتْ

تْيَاقْنْ تَالْتْ فْتَاغْرُوضْتْ --==*==-- هَانْ رَاكِّيسْ تْزَرْتْ تَايَافُوتْ

اُودْمْ نْرَبّي مَانْ تَاسَارُوتْ --==*==-- نَّا رَايْكْ أسَافَارْ نْتَاللُّوزْتْ

مَانِيكْ رَاتْ تْدَاوْمْ تَاسْتُوتْ --==*==-- تَزّري كَرْ تَادّاكِينْ تَاسُولْتْ

اِيزْدْ تِيويـِزي دْ تَاسْمُونْتْ --==*==-- نَخْ تَاوّوِري نْ تَارَابُّوتْ

أسْ رَادْ تْرَارْ تَاكْتُوتْ --==*==-- نُْوزََمْزْ لّيخْ تْكَا تَاكُوسْتْ

تَفْكْ الغَلاّتْ نْ تَاقْبُورْتْ --==*==-- سْ اِيقَنْضَارْنْ خْ تَايَافُوتْ

--==*==--

نظم : محمد زلماضي المزالي

--==*==--

*

تافسوت = فصل الربيع

توجّوت = العطر / بالجيم الرقيقة

تاغوفت = الضيق / الربو

تاسافوت = المشعل

تافوست = الباقة

تازرورت = الجميلة

أمان ضرنين = الندى

تامالوت = الظلة

تاتوت = النسيان  / ضد / تاميورت = الألفة

تايونت = بيت شعري

تامورت = الوطن

توغونت = الواجب

تايافوت = الحصيلة / الانتاج

تاستوت = الوضعية

تاسولت = الخلود

تاكتوت = الذكرى

*

* * *

*